Navenda Nûçeyan
Hate ragihandin ku li komuna Mwenda ya li herêma Nordê ya Komara Kongo ya Demokratîk (RDC) êrîşeke hovane pêk hat û herî kêm 21 sivîl jiyana xwe ji dest da.
Li gorî daxuyaniya hêza aştiyê ya Neteweyên Yekbûyî (Monusco) bîlançoya êrîşê ya destpêkê ye, lewma hejmara qurbaniyan dibe ku zêde bibe.
Ji rayedarên herêmî Donat Kîbwana bi daxuyaniyekê îdîa kir ku êrîş ji aliyê Tifaqa Hêzên Demokratîk (ADF) ve hatiye kirin ku li dijî hikûmetê şer dike. Di daxuyaniyê de hat ragihandin ku zêdeyî deh kes birîndar bûne yan jî windane.
ADF ku bi komkujiya li Komara Kongo ya Demokratîk tê sûcdarkirin, weke komeke serhildêr tê naskirin ku ji aliyê misilmanên li Ûgandayê ve hatiye avakirin. Rêxistinê ji sala 1995’an ve li rojhilatê Komara Kongo ya Demokratîk bi cih bûye û ji sala 2014’an ve jî tenê li herêma Benî di êrîşên vê rêxistinê de zêdeyî hezar kesî jiyana xwe ji dest dan.
ADF’ê herî dawî ji meha mijdarê û vir ve li bajarê Rwenzorî û derdora wê êrîşên xwe giran kiriye. Di êrîşên ku tê îdîakirin ji aliyê rêxistinê ve hatine kirin, tenê ji meha kanûnê ve 62 kesî jiyana xwe ji dest dan.
