Navenda Nûçeyan
400 jinên pêşeng ên avhewayê, ji bo di 26’emîn Konferansa Avhewayê ya Yekitiya Neteweyî (COP26) de mijara wekheviya zayendî bê zelalkirin û hesab bê dayîn, nameyeke vekirî ji hikûmeta Brîtanyayê re şandin.
Di nav van jinan de sazûmankara Peymana Parîsê Laurence Tubian, serokwezîrê berê yê Îrlandayê Mary Robinson, aborînas Kate Raworth, parêzer Farhana Yamin û derînerê National Geographic Sylvia Earle cih digirin. Her wiha navdarên wekî Emma Thompson û Ellie Goulding jî navê xwe li nameyê zêde kirin.
Temsîliyeta jinan ji sedî 25 kêmtir e
Hikûmeta Brîtanyayê di meha îlonê de daxuyaniyek dabû û diyarkiribû ku ji bo malovanî ji lûtkeyê re bike komeke ji temamî mêran pêk tê, ava bike. Niha di lûtkeya COP26’an de , rêjeya jinan a di pozîsyonên bandordar de ji sedî 25 kêmtir in. Kesên ku kampanyayê bi rêve dibin, daxwaza tevlibûna wekhev dikin.
Li gor Neteweyên Yekbûyî (NY) ji ber ku jin xwedî çavkaniyên kêmtir in û ne xwedî mafên fermî ya zêdertirînin, di bin bandora guhertina avhewayê de dimînin. Ji sedî 80’î yên mirovên ji ber guhertina avhewayê cih diguherînin, jin in.
Jin hîn zêdetir din bin rîskê de ne
Yekitiya Parastina Xwezayê ya Navneteweyî (IUCN) di raporeke xwe ya weşandî de ragihand ku bi krîza avhewayê re tundiya li ser jinan zêdetir bûye.
Tevlibûna jinan girîng e
Parêzera avhewayê û sazûmankara Track 0’ê Farhana Yamin diyar kir ku ger derfeta perwerde, planlsaziya malbatî û cotkarî ji jinan re bê dayîn, dê jin li ser guhertina avhewayî de bandorek erênî çêbikin.
