Ame îdîakerdene ke 3ê hezîrana 2020î de Merkezê Keçîorenî yê Anqara de Aleyna Çakir (Sema Esen) întîhar kerda. Dezgeyê Tibê Edlî (ATK) yê Stenbolî derheqê mergê Çakire de raporêk hadre kerd. ATK raporê xo de ard ziwan ke şopê derbkerdişî yê serê bedenê Çakire nêbîyê sebebê mergê ci û rapor de wina ame vatene: “Çakire alkol û maddeyanê bînan ra cuya xo vindî nêkerda. Çakire netîceyê daliqnayîşî de cuya xo vindî kerda. Çakire ameya daliqnayene.” ATK raporê xo de ca nêda ke Çakire xo daliqnaya yan zî sewbîna kesî. ANQARA
