Navenda Nûçeyan
Yekitiya Parastina Xwezaya Navneteweyî (IUCN) ragihand ku di sala 2020’an de 36 cure ajal û nebat ketine kategoriya ‘yên neslê wan qediyane’. Di lîsteya sor a ku IUCN digire de 128 hezar û 918 cureyên candaran hene.
Masiyên Filîpînan ên bi navê Bardodes, Barbodes baoulan, masiyên girava Javayê Chitala lopis û Schizothoraz saltans, bi heman şiklî şevşevoka bi navê Pipistrellus Sturdeei û Nyctophilus howensis ku li Japonyayê hebûn, êdî neslê wan nema ne.
Pênc cure beq û marmarok jî ev bû 25 sal in neyên dîtin.
Cureya delfînan jî di bin rîskê de ye
Delfînên gewrên ku li nav robarên Amazonan de dijîn jî di bin rîska tunebûnê de ne. Ev rîsk ji ber guhertina avhewayê, zêdebûna gemariya avê û ji ber bendavan zêde dibe.
Daraberû ji sê par yek ber bi tunebûnê diçe
Yekitiya Parastina Xwezaya Navneteweyî diyar kir ku li cîhanê darçilo (daraberû) ji sê par yek ber bi tunebûnê ve diçe.
Li alî din jî IUCN’ê di daxuyaniya meha kanûnê de diyar kir ku bi xebatên parastina candaran rewşa neslê 25 cure ajal û nebatan ber bi başbûnê ve diçe.
