Şaredarîya Çewlîgî ya AKPyî ke herinda xizmetkerdişê hemwelatîyan de înan rê têna meseleyan vejena reyna raştê nêrazîbîyayîşê şarî ameye.
Meclîsê Şaredarîye yê Çewlîgî kombîyayîşê xo yo verên ê serra newîye de qerarê zemê 30 qurişî yê semedê komresîya zereyî tesdîq kerd. Qerar bi sebebê hêrsbîyayîşê hemwelatijan ke ê xora feqîrîye ra keratîye ancenê.
Hemwelatijanê ke çapemenîya cayîyî rê qisey kerd, vera zemê 30 qurişî nêrazîbîyayîş mojna ra û vat: ”Şar xora tengayî de yo. Nê wextê pandemî de zemkerdiş qet wîjdanî nîyo. No zem her keyeyî ra çend kesan ser o tesîr keno. Menge de keyeyêkî rê tewr tay 100 TL mesref zêdîyeno. No zemo ke wextê pandemî de bîyo yeno manaya cezakerdişê şarî.”
Hemwelatijan vist vîrî ke kooperatîfo ke kiriştişê raywanan ê zereyê bajarî keno her firset de zem keno, ramitoxî bênazaket ê û wesayîtî kapasîteyê xo ra zafêr yenê pirrkerdene û waşt ke wa şaredarîye goreyê şertanê hemwelatîyan xeta otobusanê xo rono.
Hemwelatîyî persayê ke qey sey heme bajaranê bînan Çelîg de xetê otobusan ê şaredarîye çînê û vat: ”Ganî şaredarîye hînî şarî rê xizmet bikero.” ÇEWLÎG
