Bi armanca piştgiriya berxwedana zindanan û rakirina tecrîda li ser Rêberê Gelê Kurd Abdullah Ocalan Tevgera Ciwanên Şoreşger û Jinên Ciwan dest bi greva birçîbûnê kirin. Konê grevê li parka navenda Netewên Yekbûyî (NY) a li taxa Siyahî ya bajarê Qamişloyê hat vedan. Bi dehan ciwan tevlî çalakiya greva birçîbûn bûn û dê çalakiya xwe heta 9 rojan dewam bikin. Konê çalakiyê bi wêneyê Rêberê Gelê Kurd Abdullah Ocalan, wêneyên pakrewanên azadiyê û alên Tevgera Ciwanên Şoreşger hat xemilandin. Di roja yekem de Meclîsa Malbatên Şehîdan û Partiya Sûriya Pêşerojê tevlî vekirina konê çalakiyê bûn.
Rêveberiya Tevgera Jinên Ciwan a Herêma Cizîrê Mediya Qamişlo armancên çalakiya xwe anî ziman û ev tişt got: “Li hemû bajar û herêman, ciwanên şoreşger dest bi çalakiyên cur bi cur kirine. Me jî xwest em bibin beşek ji vê têkoşînê û piştgiriya berxwedana zindanan bikin. Ji bo ku em bigihêjin azadiya xwe pêwîst e ku em her tim di nava çalakiyan de bin. Ji bo azadiya Rêber Apo em ê têbikoşin.”QAMIŞLO
