Çalakiya greva birçîbûnê ya bêdem û dorveger ku girtiyan ji bo rakirina tecrîda li ser Rêberê Gelê Kurd Abdullah Ocalan dane destpêkirin di roja 50’emîn de dewam dike. Girtî her carê dibêjin ku heta daxwazên wan bicih neyên, dê çalakiya xwe bidomînin.
Bavê girtî Veysî Mîran Işik ê ku li Girtîgeha Tîpa D a Amedê, di çalakiya grevê de, Ramazan Işik diyar heke daxwazên girtiyan bicih bînin dê rêya demokrasiyê jî vebe.
Işik destnîşan kir ku weke malbatên girtiyan roleke wan a girîng heye ku çalakiya greva birçîbûnê bikin rojevê û ev tişt anî ziman: “Em nikarin bi awayekî rehet fikrên xwe binîn ziman. Polîtîkayên mehandinê û zextên derûnî hene. Dibe ku kes van tiştan nebêje lê herkes xwe di bin zextê de hîs dike.”
Bang li raya giştî kir
Her wiha Işik anî ziman ku daxwazên girtiyan hiqûqî ne û axaftina xwe wiha bi dawî kir: “Di serî de partiya desthilatê, em bang li hemû raya giştî ya Tirkiyeyê dikin. Em bibin dengê girtiyan. Bila hinek bifikirin, gelo girtî çima dikevin çalakiya greva birçîbûnê û ji çalakiyeke di cîhanê de ya herî zor e? Daxwaza me ew e ku daxwazên zarokên me yên hiqûqî bicih bînin.” AMED
