Tornê Seyîd Rizayî Rayber Rustem Polat 8ê çeleyî de şaristanê Mainzî yê Almanya de krîzê qelbî ra şîbî heqîya xo. Rustem Polat dewa Pixamî ya Xozatî de amebi definkerdene.
Hunermend Mîkaîl Aslanî hesabanê xo yê medyaya dîjîtale de qala vîrameyîşêkê xo yê bi Rustem Polatî kerd û şîîrêka seba ey nuştbî pare kerde. Vîrameyîş fekê Mîkaîl Aslanî ra wina yo:
”Rocê min û Rayberî ya sûka Mainz de amayme têlewe. Ma xêlê mobet kerd, qalê waxtê verênî kerd. Rayber kîlîtê Kê Sêyd Rizay bî, ma ci ra zaf çî musaymê. Mi va Rayber, to rê haletîya de mi esta, mi seba to jû helbest nusna.’ Rayber huya va ‘Weey ma Mikaîl, qa ez hona nêmerdo, waxtê xo nîyo, merdene ra tepîya.’ Mi va ‘Rayber, kam çi zano bekî ez to ra raver miron, zerrê mi de maneno.’ Raybêrî va ‘Heq nêkero.’ Mi va ‘Rayber bê ma nî adetê xo bivurnîmê, mordemo ke na dîna de qedir û qiymet zaneno va na dîna de kî hezkerdena xo eskera bikero. Merdene ra tepîya nê, weşîye de.’
O waxt mi ci rê şîîrê xo wand. Çimê xo kerdî pirr, hem zaf sa bi hem kî bî kelabêr bî.
Rayber, hona rêw nêbî? To ma bêkes caverdaymê. Zerrê ma vêseno Rayber, nara tepîya ma heketa Kê Sêyd Rizayî kamî ra pers bikemê Rayber?’ ”
Mîkaîl Aslan vilakerdişê xo de seba Rustem Polatî îfadeyê ‘O seke mefteyê keyeyê Seyîd Rizayî bi’ şuxilna û da zanayene ke ey na şîîre 15 serrî verî nuşte, şîîre dima beste kerd û Besere Şahîn reyde albumê aye Seyrîstane de wende.
Şîîre wina ya:
”Doman Hesneno
Erê yeman yeman yemane
Kemer kuçik dar û ber
Vengê ma bihesnê
Goze şîkîna purrê xo reng dano
Dewres sono vengê xo to rê maneno
Qa xatirê Rayberê xo bizanê
Berxûdar bê bextîyar bê se vacî
Dismen ra û şindorû qapa keno
Fekê to de zonê to sikneno
Vengê dewresû welat de onca kî cereno
Pîzê maye de doman her çî hesneno
Pîzê maye de doman her çî hesneno”
Des ponc serrî raver
mi va "Rayber, to rê haletîya mi esta, mi seba to helbestê nusna."
Rayber huya va,"Qa ez hona nêmerdo"
Mi va "Rayber, bê ma nî adetî bivurnîmê, mordem va na dîna de
hezkerdena xo eskera bikero."
Bado min û Beser a pîya vate
Oxir bo https://t.co/zu4x0vrmCX pic.twitter.com/y5N6YfsfnF— Mikail Aslan (@MikailAslan_MA) January 13, 2021
