Çewlîg û Dêrsim de 3 rojan ranata vewre varena. Rîyê vewre ra rayîrê xeylêk dewan qefilyayî.
Qezaya Pilurî ya Dêrsimî pê vewre xemilîyaye. Qalinîya vewre metreyêkera zêdêr a. Şarê qeza îfade kerd ke înan vatêne qey emser vewre do nêvara û xele virazîyo. Şar xîret keno ke serê bananê xo ra vewre pakî bikero.
Qezaya Pilemurîye ya Dêrsimî de zî rayîrê dewan qefilîyayî. Wesayîtî vewre û pûkeleke ra nêeşkenê rayîrî ra şorê.
Merkez de 10, Pilemurîye de 40, Pilur de 32, Çemişgezek de 2, Xozat de 22, Nazimîye de 21, Pêrtag de 10 û Mazgêrd de 8 bi temamî 145 rayîrê dewanê Dêrsimî qefilîyayî.
Çewlîg de zî bi taybetî cayanê berzan ê sey Kanîreş de vewre tesîrê xo mojnena. Qalinîya vewre hema hema bîye metreyêke. Esnafê Çewlîgî seba heywanan werd verdenê ke wa telef nêbê. DÊRSIM/ÇEWLÎG
