Navenda Nûçeyan
Li Norwece gelek netewên cuda hene û nêzî 180 ziman tên axaftin. Hejmara nifûsa Norwecê 5 milyon e û her netew bi zimanê zikmakî dikare perwerde bîbine.
Netewên ku li Norweçê dijîn yek ji wan jî kurd in. Hejmara kurdan rasterast nayê zanîn li gor texmîna hejmara wan li Norwecê di navbera 5-10 hezaran de ye. Kurdên li wir piranî ji 4 aliyên Kurdîstanê, Ermenistan û Rûsyayê çûne Norwecê.
Alekan Nyland li Zaningeha Stavangerê de li ser pedagojî û gihandina zarokan perwerde dibîne.Nyland diyar kir ku wî pirtûka xwe ji bo ku zimanê kurdî hêsantir were fêrkirin bi alfabeyek zelal nivîsandiye û wiha pê de çû:“pirtûkên ku hatine werger kirin hene lê zarokên biçûk zêde ji wan fêm nakin. Malbatên li vir di vê mijarê re gazinca dikirin min jî ji ber vê sedemê xwest pirtûkek wiha amade ku zarok karibin bi zimanê xwe fêr bibin.
Alekan Nyland destnîşan kir ku Dewleta Norweçê piştgirî dide perwerdeya zimanê zikmakî û wiha got: “Dewlet hem alîgirê van xebata ye hem jî dema min pirtûk nivîsan alikariya min kir.”
