Polîsên tirk di saetên şevê de bi ser avahiya HDP’ê ya navçeya Esenyûrtê ya Stenbolê de girtin. Hat hînbûn ku polîsan li ser îxbara ku wêneyên Rêberê Gelê Kurd Abdullah Ocalan li avahiyê hene bi ser avahiyê de girtine. Personelê Şaredariya Esenyûrtê, dema ku avahiyê dezenfekte kiribû dîmenên avahiyê kişandibûn û li ser hesabê xwe yê medyaya civakî parve kiribû. Bêyî ku agahî bidin rêveberiya navçeyê polîsan bi ser avahiyê de girt û deriyê avahiyê şikandin. Biqasî 6 saetan li avahiyê lêgerîn kirin.
Di serdegirtinê de polîsan ewraq, belgename, pirtûk, flama, alên partiyê desteser kirin û hevserokên navçeyê Dîlan Kiliç û Ercan Saglam jî binçav kirin.
