Navenda Nûçeyan
Komelgeha Jinên Azad a Rojhilatê Kurdistanê (KJAR) bi daxuyaniyekê pêla girtin û binçavkirinên rejîma Îranê şermezar kir.
KJAR’ê di daxuyiya xwe de wiha got: “Careke din rejîma Îranê ji ber bêçareya li beramberî îrade û berxwedana gelê kurd dest bi pêla binçakirin û girtina kurdên rojhilatê Kurdistanê kiriye.
Gelê kurd ji destpêkê ve biryara xwe daye ku li beramberî bêhiqûqî û bêedaletiyê bêdeng nemîne. Heta dawiyê li beramberî vê sîstema çewsîner a rejîma îslamî ya Îranê li ber xwe bide. Lewma wê bi hewldana dewleta Îranê ev gel çavtirsandî nebe. Belku bi girtin û îşkencekirina zarokên xwe ji bo tolstandinê kîna wan zêdetir bibe. Bi armanca bêdengkirinê, bi hincetên cuda yên di warê siyasî, civakî û çandî rawabûn dane êrîşên li ser jinan. Pêwîst e gelê kurd û bi taybet jin li hemberî vê pêla rejîma Îranê daye destpêkirin bêdeng nebin. Ji ber ku ev siyaseta qirkirinê ya rejîma Îranê dide meşandin ji hev cuda nîne, divê vê jî ji bîr nekin ku niha bi dehan kes ji bo parastina vê çandê di girtîgehên Îranê de girtîne.”
