Koyê Hesarekî yê Çewlîgî yo ke berzîya rakinê ci 2 hezar û 500 yo pê otêl, pîst, telesîyejê xo merkezanê xijkerdişî yê Kurdîstanî ra yew o.
Merkezê Xijkerdişî yê Hesarekî de serrewextê xijkerdişî dest pêkerd. Nika ra bitaybetî Amed, Mêrdîn, Êlih, Meletî û Xarpêtî ra xeylêk turîstan verê xo da Hesarekî.
Vewre û pîstê Hesarekî seba xijkerdişî bêhempa yê. Turîstî çarçewa tedbîranê vîrusê Korona de pê qodê HESî eşkenê otêlan de ca bibê. Merkezê Qijkerdişî de berzîya vewre resaye metreyêk.Turîstî îfade kenê ke Hesarek her hetî ra cayanê bînan ra rindêr o û ganî pêro kesî seba xijkerdişî bêrê Hesarek. ÇEWLÎG
