Stenbol de 20ê adare ke Yenîkapi de Newroze do pê sloganê ‘Ma pê adirê Newroze xo ver bidê, azad bibê’ bêra fîrazkerdene. Startê şayîyanê Newroze yê Stenbolî ewro dîya.
Adirê Newroze yo verên taxa Guvercîntepe ya qezaya Başakşehîrî ya Stenbolî de hetê Mayanê Laçîksipîyan ra ame tavistene. Îdarekaranê Partîya Demokratîke ya Şaran (HDP) yê qeza reyde bi seyan roniştoxî tewrê şayîye bîyî. Şayîye de sloganê sey ‘Biciwîyo Newroze’, ‘Biciwîyo Serek Apo’ û ‘Biciwîyo xoverdayîşê Kobanê’ ameyî vatene û grevê vêşanîye yê tepişteyan ame selamkerdene.
Hemwelatîyan dormeyê adirê Newroze de govend girewt û fîşekî teqnayî. Ciwanan xo serê adirî ra eşt û seba şayîya 20ê adare veng da. Şayîye pê coşêkê pîlî qedîyaye. STENBOL
