Vizêr qezaya Misircê ya Sêrtî de otomobîlêk qelibîya û tankê ci yê LPGyî teqabi. Detayê qezayî eşkera bîyî. Serebût vizêr saete 19.00 de dormeyê dewa Hishisî de qewimîya. Wesayîto ke Hemserekê verênî yê DBPyî yê Hezoyî Mehmet Yaşarî ramitêne kontrolî ra vejîya.
Seba ke tankê LPGyî teqa, adir kewt wesayîtî. Wesayîtî ra Yaşar û kênaya ci ya 11 serre bi birîndarî xelisîyayî.
La cinîya Yaşarî Aynur Yaşar û domananê înan Bêrîtan (15), Viyan (14), Bahoz (12), Cûdî (6) û Rodî (4) dinyaya xo bedilnaye.
Cenazayî dewa Zengovî ya qezaya Hezoyî ya Êlihî de ameyî definkerdene.
HEDEPî derheqê qezayî de hesabê xo yê Xî ra mesajê serweşîye da û vat: ”Ma keye û merdimanê Yaşarî rê serweşîye wazenê. Ma seba Mehmet Yaşarî şîfaya xeyrîne wazenê.” SÊRT
