21’ê Adarê Cejna Newrozê bi hezaran salan e li çar aliyên Kurdistanê û gelek welatên cihanê agirê bi coş tê pîrozkirin. Gelê kurd bi pêxistina agir Newrozê pîroz dike. Gelên Rojhilat ligel zext û zordariya rejîmaÎranê jî dadikevin qadan û agirê Newrozê pêdixin.
Li bajarê Ûrmiyê yê rojhilatê Kurdistanê kurdan cil û bergên kurdî li xwe kirin û daketin qada ku ji bo Newrozê diyar kiribûn. Li wir piştî dadana agirê Newrozê welatiyan heta derengiya şevê li dora agir li ber stranan govend gerandin. Şahî û kêyfxweşiya ciwanan a ji hatina Newroz û demsala biharê bal kişand.
Agirê Newrozê li gundewarên Sineyê yê rojhilatê Kurdistanê hate dadan. Li dora agir govend hate gerandin. Li gel zext û zordariya hêzên dewletê jî li rojhilatê Kurdistanê pîrozbahiyên Newrozê destpê kirin.
