Weçînayîşanê herêmîyan ê 31ê adara 2019î de qezaya Qereçobanî ya Erziromî de HDPyî bi 5 hezar û 417 rayan şaredarîye qezenç kerdbî û AKP bi 4 hezar û 154 rayan partîya diyîne.
Goreyê doneyan DEM Partî qeza de xurt a û qetî weçînayîşanê herêmîyan de ser bikewa. La weçînayîşanê gulane ra dima 320 weçînitoxî qeza de ameyî cakerdene. Balkêş o ke weçînayîşanê gulane ra dima taxa Hacilarî ya Qereçobanî de hûmara weçînitoxan zêdîyaye. Ame parekerdene ke bînaya Mudirîya Asayîşî ya Qereçobanî de 320 weçînitoxî ameyê cakerdene.
Rêxistina DEM Partî ya Qereçobanî Heyetê Weçînayîşî rê îtîrazê ney kerd.
DEM Partî waştişnameyê îtîrazî de pare kerd ke mumkîn nîyo ke bînayêke de hende weçînitoxî est bê û mudirîya asayîşî sey warê cabîyayîşî bêra qebulkerdene. ERZIROM
