Sereka Pêroyî ya Partîya Îyî Meral Akşenere namzedîya serekkomarîye yê Serekê Pêroyî yê CHPyî Kemal Kiliçdarogluyî red kerdbî û xo Tîfaqê Miletî ra antbî. Bado ke şertê aye hetê Tîfaqê Miletî ra ame qebulkerdiş tepîya agêraye maseya tîfaqî. Akşenere seba ke tewrê kombîyayîşê Tîfaqê Mîletî biba ameye Merkezê Pêroyî ya Partîya Saadetî.
Şertê Akşenere no bî ke Şaredarê Bajarê Girdî ya Stenbolî Ekrem Îmamoglû û Şaredarê Bajarê Girdî ya Anqara Mansur Yavaşî sey mişewrê serekkomarî bêrî qebulkerdiş.