Zîyareta Duzgun Babayî ya Dêrsimî de aktîvîteya vîrardişî amî kerdene. Bi seyan hemwelatijî tewrê aktîvîte bîyî, qiseykerdişî ameyî kerdene û dimayê vatişê deyîşan ra loqmeyî ameyî parekerdene
Çarçewaya aktîveteyanê vîrardişê Duzgun Babayî de Cemxaneyê Duzgun Babayî de aktîvîte amî viraştene. Can, hunermend û pîrê ocaxan ê wareyanê cîyayan tewrê aktîvîte bîyî.
‘Çilayê ma seba Nupelda, Ayaz û Engînî yê’
Serekê Komeleya Cemxaneyê Duzgun Babayî Sînan Kirmizçîçekî qiseykerdişê akerdişî de nê vatî: “Ma bi wesîleya aktîvîteya Duzgun Babayî ya tradîsyonele ameyî têhet. Ma çilayanê û duayanê xo îthafê Nupelda û Ayazo ke netîceyê teqayîşê muhîmatê leşkerîyî de cuya xo vînî kerde û îthafê Engîn Eroglûyo ke Munzur de cuya xo vînî kerde kenê. Do xeyalê înan û zerrîya înan a zîze tim rayîrê ma rosin kero.”
Kirmiziçîçekî dewamê qiseykerdişê xo de nê vatî: “Ma sey talibê nê rayîrî, sey talibê bawerîya Elewitîye û Raa Heqî ma vînenê ke felsefeya ci û prensîbê ci yê bingeyênî ercanê unîversalan ê merdimîye rê pê yenê. Ma demokrasî, edalet, seypêyîye, azadî û aşitîyêk ke ro anorê merdimîye yena wazenê. Bi fehmê ‘her mîrçike ziwanê xo wanena her vaş ristimê xo ser o reweno’ ma rîyê xo danê rastîya xo ser û ma do sey talibî yewî û pîyayîya xo hîna bikerê xurt.”
Dimayê qiseykerdişan ra loqmeyî ameyî parekerdene. Beşdarî ver bi mekanê Duzgun Babayî şîyî. DÊRSIM
