Keştîya hetkarîye Alan Kurdî ya organîzasyonê Sea-Eyeyî Behrê Sipîyî de koçberî xelesnayî. Keştîye verê xo da Girawa Lampedûsa, la Îtalya sînorê xo keştîye rê girewt
65 koçberî seba ke xo biresnê rojawanê Ewropa bi bote hetê Lîbya ra kewtî rayîr û 12 saetî Behrê Sipîyî de asê mendî. Keştîya hetkarîye Alan Kurdî ya organîzasyonê xelesnayîşî ya bi nameyê Sea-Eyeyî xo resnaye koçberan.
Dimayo ke keştîye 65 koçberî xelesnayî, verê xo da Girawa Lampedûsa ya Îtalya. La Îtalya sînorê xo na keştîye rê girewt. Rixmê qerarê Îtalya de keştî nizdê Girawa Lampedûse de ya. Ame zanayene ke keştîye de tena 10 lîtreyî awa şimitişî menda. Îdarekarê keştîye Gorden Islerî va: “Derheqê raywanîya behrî de tu zanayîşê koçberan çino û wasitayê GPSî zî înan dir çinê. Eke ma nêresayêne înan ê do behr de bixeneqîyayêne.”
Organîzasyonê hetkarîye yê bi nameyê Sea-Eye’yî yo ke merkezê ê bajarê Regensbûrgê Almanya de yo, nameyê keştîya xo ya ‘Professor Albrecht Penckî kerdebî Alan Kurdî. Domano Rojawanê Kurdistanij Alan Kurdî koçberêk bi û cenazeya ê nizdê Bodrûmê Tirkîya amîbî dîyene. ROMA
