Merkezê Xeberan]
Albumê Vengê Royî yo diyîn vejîya. Albumê Vengê Royî-2 hetê 10 hunermendan ra ame amadekerdene û tede 10 hebî deyîrê kirmanckî (zazakî) estê ke qiseyê ci hetê Kadîr Buyukkayayî ra nusîyayî. Albumo ke amadekarîya ci 3 serrî verê cû dest pêkerdbî aranjorîya Hakan Akayî de ame qeydkerdene.
Hunermendê ke Albumê Vengê Royî-2 de ca gênê nê yê: Besere Şahîn, Rojda, Gulsevene Medar, Sasa, Hani Mojtahedy, Tara Memedova, Mîkaîl Aslan, Mehmet Akbaş, Kerem Sevînç, Xêro Abbas.
Albumê Vengê Royî reya verêne serra 2015î de aranjorîya Cemîl Qoçkirîyî de hetê Mîkaîl Aslanî ra amebi vetene.
