Amazonê Brezîlya, her ke şino birnayîşê daran tewr zêde beno. Goreyê xebera BBCyî, dayeyê ajansê fezayî yê Brezîlya dîyar kerdî ke Amazonê welat de aşma vîyarte de eynî aşme ya parî de birnayîşê daran 5 qatî tewr zêde bîyo û serra 2015 ra nata tewr berz ê birnayîşê darê ke daristan de ameyê birnayîş ê.
7 rey Manhattan pîlêr bîyo
Ame dîyarkerdiş ke menga Çeleyî de bi temamî 430 kîlometre çargoşe, wareyê daristanan 7 qatî Manhattan pîlêr bîyo.
Şarê roniştoxî têkoşîn kenê
Komelê roniştoxî yê Amazon de ciwîyenê seba pawitişê daristananê xo yê varanî û cuya xo bipawê têkoşîn kenê.
Ekolojîstan zî dîyar kerd ke serekê Brezîlyayî Jair Bolsonaro destûr dayo ke darî bêrê birnayîş.
Îdiayê feqîrî do kêmî bibo
Jair Bolsonaro pawitişê derûdorî yê herême qels kerdibi û dîyar kerdibi ke seba kêkerdişê feqîrî ganî hukmat mintiqa bixebitno.
