PDK’ê rêya Mexmûr-Hewlêrê li xelkê wargehê girtiye û ev 13 roj in ambargoyê li ser wargehê pêk tîne
Disthilatiya PDK’ê li ser daxwaza AKP’ê zilm û îşkenceyê li kurdan dike. Asayîşa PDK’ê wekî polîsên tirk te digere û li dijî kurdan bêhurmetî û bênirxiya mezin dikin. Li Hewlêrê piştî çalakiya 17’ê tîrmehê ya li dijî xebatkarên konsolosxaneya tirk a li resturanda Huqqabazê, asayîşa PDK’ê rêya Hewlêr-Mexmûr girt û ev 13 roj in nahêle kes ji wargehê derbikeve.
Ev 13 roj in li ser wargehê ambargoyek pêk tê û destûr nayê dayîn ku kesek ji wargehê derbikeve. Hêzên PDK’ê ku destûr nadin karkerên li Hewlêr kar dikin ji wargehê derbikeve û li aliyê din nahêle nexweşên giran jî bikevin Hewlêre. Netewên Yekbûyî (NY) û hikûmeta Iraqê ji bo rakirina ambargoya li ser wargehê ketine dewrê.
Hêzên asayîşa PDK’ê bi daxwaza MÎT’a tirk bi ser gelek malên Mexmûrî û welatiyên ji bakurê Kurdistanê de giritbûn. Kesên ku ji aliyê asyişa PDK’ê ve hatin binçavkirin jî endamên Parastinê (Îstixbarata PDK’ê) û MÎT’a tirk bi xwe ketin lêpirsîna wan û îşkenc li kurdan kirin. Agahî ji du kesên ku hatine binçavkirin nayê girtin.
Li aliyê din tevgera balafirên şer û keşfê li ser wargehê didome. MEXMÛR
