15 HDPyijê ke çarçeweya kampanyaya vera qeyûman de Baglar û Yenişehîr de îmzayî arêdayêne ameyî tepiştene
Vernîgiretişê kampanyaya îmzayan ê Partîya Demokratîke ya Şaran (HDP) ya ke hemverê qeyûmanê ke şaredarîyanê Amed, Wan û Mêrdînî de ameyî cakerdene de ameye tepiştene, dewam kenê. Dimayo ke Êlîh de destûr nêedîya standê îmzayan Amed de zî 15 kesî ameyî tepiştene.
Çarçeweya kampamyaya vera qeyûman de rêxistinanê qezayanê Baglar û Yenişehîrî yê Amedî de 15 kesê ke îmzayî arêdayêne polîsan vernîya înan girewt destûr nêda îmzayan bidê arê û dima ra zî Baglar de 11 kesê ke nameyê înan nêameyî zanayene destbed kerdî. Reyna Yenîşehîr de zî hemserekê HDPyî yê Qeza Sadrettîn Kaya, îdarekarî Emîna Kaya û Şîrîn Zerene û keso ke nameyê ci nêame zanayene ameyî tepiştene. AMED
