Çarçeweya operasyonê qirkerdişê sîyasîyî de Amed û Agirî de xeylêk kesî ameyî binçimkerdene. Cendirmeyê dewleta tirkî ewro hetê serê sibayî de Amed de eştî 29 adresan ser. Netîceyê sereştişan de tewr tay 17 kesî ameyî binçimkerdene
Qezayanê Baglar, Pîran, Licê, Hênê û Karazî yê Amedî de yewîyanê taybetan yê Fermandarîya Cendirmanyan ê Bajarî eşt 29 adresan ser û bi îdîaya ‘endamîya rêxistine‘ 17 kesî binçim kerdî.
Operasyonê Agirî de zî rojnameger Azîz Oruç, Hemserekê Partîya Demokratîke ya Şaran (HDP) yê Bazîdî Abdullah Ekebelek û Muhammet Îkram Muftuoglu ameyî binçimkerdene. Keyeyê Muftuogluyî bi kutikan ame cigêrayene. Wezîrîya Karanê Zereyî derheqê binçimkerdişan de eşkerayîyêk daye û rojnameger Oruç sey ‘terorîst’ name kerd. AMED
