Erdlerzo ke merkezê ci Mereş bi 6ê Sibate de virazîya, 11 bajaran de bi sebebê rijnayîşêk giran. Erdlerz de nêzdîyê 50 hezar welatî dinyaya xo bedelnayî û bi se hezaran welatî zî birîndar bî. Amedo ke yew bajarê ke erdlerz de wêranî pê ame, zêdeyêr 400 kesan dinyaya xo bedelnayî û 7 merkezê bajar 12 awanî rijyayî. Qezayanê Rezan, Peyas û Yenişehîrî yê Amedî de bi hezaran awanî xisar dî. Goreyê cigêrayîşê peyîn, bajar de 8 hezar û 100 awanî bi giranî û tay zirar dîyê, bi des hezaran keyeyî zî bi problemê starbîyayîşî reyde rî bi rî yê.
Selahîyetdaran goş nêdayî bangawazîyan
Welatî ke bi rojan problemê starbîyayîşî ciwîyayîne nika zî eynî probleman ciwîyenê. Bi awankerdişê konbajarî yê qeraxê Çemê Dîcleyî de waştî probleman safî bikerê. Tîya seba 9 hezar kesî 2 hezar û 500 konî ameyî ronayîş. Pêwa ercnayîşê pisporan, hişyarîya sazgeh û dezgehê sivîl tîya nêzdîyê 350-400 kesî ameyî bicakerdiş. 15ê adare de seba varanê zêde laser rawuşt, welatijê ke tîya mendî bi îmkanê xo uca ra vejîyayî.
Welatijî yurdan de ameyî cakerdiş
Tay welatîyî zî Merkezê Rehabîlîtasyonî yê Yeşîlayî, salona sporî ya girewte û yurdan de ameyî bicakerdiş. Platformê Pawitiş û Paştîdayîşê Bajarî yê Amedî ke wazeno derheqê welatijan de xebere bigêra, astengîyan vera nêeşkena xebere bidest bifîna.
30 hezar keyeyî hema zî problemê starbîyayîşî cuyenê
Goreyê xeberanê ke ameyî bidest fînayîş tay mexdurê erdlerzî badê weriştişê laserî bajar de 3 yurdê wendekaran de ameyî cakerdiş. Sewbîna ame vatiş ke lazimîya hemwelatijan hetê Şaredarîya Yenîşehîr û Qeymaqemê Yenîşehîrî ra yena temînkerdiş. Sewbîna ame zanayîş ke bajar de nizdîyê 30 hezar keyeyî hema zî problemê starbîyayîşî cuyenê.
Ame îdîakerdiş ke do konî bêrê wedaritiş
Heto bîn de vera hende vengan selahîyetdarî konbajarî qeraxê Çemê Dîcleyî de ronabî. Ame îdîakerdiş ke do no konbajar bêro wedaritiş. Seba awankerdişê konbajarî 125 mîlyon TL ame xerckerdiş. Konbajaro ke hetê AFAD, Şaredarîya Bajarê Gird ya Amedî, DÎSKÎ û DEDAŞî ra ame awankerdiş tena 23 rojan serê payî de mend. AMED
