Avûkat Armanç Arkaşo ke waşt pêkewtişo bisîleh o ke qezaya Kayapinarî de virazîya vindarno, bi guleyo ke gina sereyê ci ro cuya xo vînî kerde
Amed de avûkat Armanç Arkaş gama waşt ke pêkewtişê bisîlehî vindarno kişîya
Qewimîyayîş qezaya Kayapinarî ya Amedî de virazîya, bişewe saet 02.30 de, kafeyêk ke Bûlvarê Mahabadî (Rayîrê 75 Metreyî) de bi mabênê di grûban de bi sebebo ke nêno zanayene munaqeşeyo vatişkî vejîya. Dima ra munqeşe agêra pêkewtişê bisîlehî. Avûkatanê Baroyê Amedî ra Armanç Arkaşo (28) ke waşt di grûban cîya bikero, bi guleyo ke gina sereyê ê ro birîndar bi. Arkaşo birîndar bi ambûlansa ke amî waştene ame berdene bi Nêweşxaneyê Perwerde û Cigêrayîşî yê Gazî Yaşargîlî. Arkaş rixmê heme mudaxeleyan de nêame xelesnayene. AMED
