Qezaya Peyasî ya Amedî de awanîya ke kewena serê rayîrê Riha de keyeyêk ke 3 kesan ra pê yeno û aye awanîye de kapicitî keno bi şikê Vîrusê Korona vizêr wedarîya Nêweşxaneyê Cigêrayîş û Perwerdeyî yê Gazî Yaşargîlî. Nêweşxane de testê ferdê pêroyê keyeyî pozîtîf vejîya û pêroyê awanîye girîya binê karantî. Ewro zî awanîyêka bîn ke eynî sîte de ya û ferdê keyeyî ewja de zî xebetîyeno girîya binê karantîna. Ekîbê dezenfektekerdişî awanîye de xebata dezenfektekerdişî pê ardî û semedê tebernêvejîyayîşî kesê ke awanîye de ronişenî îqaz kerdî. Ame zanayene ke ferdê keyeyî ke wedarîyayî Nêweşxaneyê Cigêrayîş û Perwerdeyî yê Gazî Yaşargîlî ra kesêk de nêweşîya şekir û zerrî esta û rewşa ci giran a. AMED
