Vera tayînkerdişê qayûman de 6 rojî yo ke Amed de çalakîyê şermizarkerdişî dewam kenî. Ewro reyna hemwelatijî Cadeyê Lîseyî yê hemverê Şaredarîya Bajarê Girdî ya Amedî de arê bîyî û dest bi çalakîta rniştişî kerdî
6 rojî yo ke çalakîyê şermizarkerdişî yê vera tayînkerdişê qayûman de hemverê Şaredarîyanê Bajaranê Girdan yê Amed, Wan û Mêrdinî de bêmaben dewam kenî. hemwelatijê Amedî ewro reyna tewrê parlamenter, hemşaredar, hemserek, rayîrber û endamanê Partîya Demokratîke ya Şaran (HDP) Cadeyê Lîseyî yê hemverê Şaredarîya Bajarê Girdî ya Amedî de arê bîyî û dest bi çalakîya roniştişî kerdî. Sewbîna komele, rêxistinê sivîl, Meclîsê Dayîkanê Şemeyan û aktîvîstê Tevgerê Cinîyanê Azadan (TJA) ewro tewrê çalakîya roniştişî bîyî.
Çalakîya roniştişî de şar binê ablûqaya polîsan de bi deyr, silogan, tilîlî û çepikan dest bi çalakîye kerd. AMED
