Cemxaneyê Komeleya Kulturî ya Pîr Sultan Abdalî ya Amedî de cemê Xizirî ame kerdene. Ocaxê Dede Karkinî ra Musa Karkinî cem îdare kerd î zakîrîya cemî zî Halîl Îbrahîm Erkulî kerde.
Pîr Musa Karkinî derheqê menga Xizirî de qisey kerd û vat: ”Pêro dînan de û kitaban de estbîyayîşê Xizirî yeno qebulkerdene. Xizir nebî yo, welî yo ke resa rastîya Heqî. Goreyê tay elewîyan zî Îlyas û Xizir birayê yewbînan ê. yew erdî ser o oyo bîn zî dengiz ser o reseno hawarê belengazan. Tarîxo ke mewsîmê ma beno eşkera Xizir û Îlyas zî ameyî têkişt. Seba a roje ma vanê Xizir Ellez.”
Lawikan û semahan ra dima bi gulbangdayîşê pîran loqmeyê Xizirî ameyî vilakerdene. AMED
