Parka Koşûyolû ya Amedî de dayîkanê ke waştêne bale biance grevê vêşanîye yê ke semedê wedartişê tecrîdê serê Ocalanî yenê viraştene ser, reyna hetê polîsan ra ameyî vindarnayene. Dayîkan binê ablûqaya polîsan de çalakî viraşte
Qezaya Baglarî ya Amedî de Parka Koşûyolû de keyeyanê tepişteyan waşt ke eşkerayîyêk bidê, la polîsan destûr nêda. Rixmê naye dayîkan çalkî viraşte.
Parlamenteranê HDPyî Remzîye Tosûne, Salîha Aydenîze û Semra Guzele zî paştî daye dayîkan. Rixmê astengîya polîsan dayîkan çalakîya roniştişî viraşte û parlamenteran zî polîsan dir pêvînayîş viraşt. Dime ra dayîkî heta verê banê TUAY-DERî rayraşîyayîşêk viraşte û bi sloganan Îmraliyî rê silam şawitî û bale ante xoverdayîşê zîndanan ser. AMED
