Parlamenter û îdarekarê HDPyî bi şarî pîya bi wesîleya Roşanê Remezanî xeylî qezayanê Amedî de goristanî ziyaret kerdî
Parlamenter û îdarekarê Partîya Demokratîke ya Şaran (HDP) bi şarî pîya bi wesîleya Roşanê Remezanî xeylî qezayanê Amedî de goristanî ziyaret kerdî.
Qezaya Licê de paramentere Remzîye Tosûne, aktîvîstê TJA û Medya-Derî û xeylî hemwelatijan Goristanê Sisê ziyaret kerd. Tosûna ke tîya qisey kerd bale ante hêrişê serê goristanan û va: “No wehşet o. Camîya ke goristanî de bi a zî netîceyê bombardûmanan de ameye rijnayene. Eke Hazretî Mûhammed nika biciwîyayêne vera nê hêrişê dewlete serê wedartêne.”
Qezaya Pîran de zî hemserekê HDPyî ya Amedî Hulya Alokmen Ûyanike, parlamentere Salîha Aydenîze, aktîvîstê TJA dewa Pirejmanî de goristan ziyaret kerd, goran ser o vilikî nayî ro û dûayî wendî.
Qezaya Baglarî de zî îdarekaranê HDP û DBPyî yê merkez û qezaye Goristanê Yenîkoyî û Yenîşehîr de Goristanê Alîpinarî zîyaret kerdî. Parlamenterê HDPyî Remzîye Tosûne, Salîha Aydenîze, Mûsa Farisogullari, û hemşaredarê Şaredarîya Girde ya Amedî Adnan Selûk Mizrakli û xeylî hewmeletijî zî tewrê ci bîyî. AMED
