Vîrusê Korona (Covid-19) ke sere de bajarê Çînî yê Wuhanî de vejîya raşte, hema hema pêroyê dinya girewt binê tesîrê xo û heme aktîvîteyanê komî da vindetene. Tirkîya de 1ê hezîrane de gamê normalbîyayîşî ameyî eştene û na çarçewe de xeylê cayî ameyî akerdene û sînorê gêrayîşî ame wedartene. Badê ke selahîyetdarî tedbîran sist kerdî, Amed de hûmara vakayan zêdîya û resaye hezar û 150 kesî. Nêweşxaneyê Perwerdeyî û Cigêrayîşî yê Gazi Yaşargilî û Nêweşxaneyê Fakulteya Tibî yê Unîversîteya Dîcle ke sey nêweşxaneyê pandemî ameyî dîyarkerdene de nika 200 ra zêde kesî yenî tedawîkerdene û înan ra rewşa 20 kesan giran a. Doktorê pandemîyî dîyar kerdî ke vakayê nêweşxaneyan beşê yogunbakimî de yenî tepiştene.
300 ra zêde kesî îzolasyon de yenî tepiştene
Amed de nika 200 kesê ke netîceyê testê înan pozîtîf vejîya nêweşxaneyan de yenî tedawîkerdene û 300 kesî ra zêde merdimî zî îzolasyon de yenî tepiştene. Ame zanayene ke 100 ra zêde xebatkarê weşîye de zî vîrus ameyo tespîtkerdene. Tena Roşanê Remezanî ra dima 300 tenî ra zêde merdiman de vîrus ameyo tespîtkerdene. Kesê ke rewşa înan giran nîya keye de yenî dermankerdene. AMED
