Dima ke Tirkîya de gamê ‘normalîzebîyayîşî’ ameyî eşkerakerdene Amed de hûmara kesanê ke pê vîrusê Korona kewtî zêdîyaye. Zêdîyayîşê hûmara waqayan ra dima Heyetê Weşîye yê Amedî bire daye ke 10ê hezîrane ra tepîya şaristan de bi hawayêkê bêmaske tebervejîyayîş qedexe yo.
Amed de hûmara nêweşan bîye hezar û 150. Roşanê Remezanî ra dima 200 kesî nêweşxaneyan de tedawî vînenê ke înan ra rewşa weşîye ya 20 kesan giran a. 300 kesî zî keye de binê îzolasyonî de yê. Şaristan de jan vera pê rayîrê mewlûd, şîn û zîyaretê keyeyan vila beno. Tewr peyên taxa Avdalli ya Çinarî de 15 kesan kesêkî/e ra jan girewt. AMED
