Vîrusê Korona (Covid-19) ke bajarê Wuhanî yê Çînî de vejîya raşte hema hema vilayê pêroyê dinya bî û dinya vera vîrusî de têkoşîn dana. Amed de 2 kesê 63 û 78 serrî vîrus ra ameyêne dermankerdene vizêr şewe cuya xo vindî kerdî. Hemwelatijo 78 serre ke testê ci pozîtîf vejîya, nêweşxaneyêk taybet de ameyêne dermankerdene. Hemwelatijo 63 serrî zî beşê lezgînî yê Nêweşxaneyê Fakulteya Tibî yê Unîversîteya Dîcle de ameyêne dermankerdene.
Hewtê înan heta nika Amed de hûmara kesê ke nêweşîya Vîrusê Korona (Covid-19) ra merdî, resaye 19an. AMED
