Ewro saetanê rewî yê serê sibayî de çarçeweya operasyonê qirkerdişî yo ke merkezê ci Amed o de polîsan eşt keyeyan ser. Seretişan de keyeyan de bi saetan cigêrayîş ame kerdene û xeylêk aktîvîstê Tevgerê Cinîyanê Azadan (TJA) û îdarekar û endamê Komeleya Cinîyan ya Rosa û îdarekarê HDP û DBPyî ameyî destbendkerdene.
Riha de endama ronayax a Komeleya Cinîyan ya Rosa Narîne Gezgor û Amed de endama ronayax ya Komeleya Cinîyan ya Rosa Ayla Akat Ata, sereka Komeleya Cinîyan ya Rosa Adalete Kaya û aktîvîsta Tevgerê Cinîyanê Azadan (TJA) Gulcîhane Şîmşek û Zelale Bîlgîn, hemsereko verên ê pêroyî yê Partîya Herêmê Demokratîkî (DBP) Mehmet Arslan, endama Heyetê Rayberdişî yê Merkezî yê Partîya Demokratîke ya Şaran (HDP) Ozleme Gunduz, hemserekê HDPyî yê Yenîşehîrî Remzîye Sizici û Kasim Kaya, endamê HDPyî Mehmet Alî Altinkaynak, sîyasetmedaro kurdî Celal Yoldaş û Nazîle Tursun ameyî destbendkerdene.
Gezgora ke Riha de ameye destbendkerdene badê kotntorlê weşîye ameye berdene Mudirîya Asayîşî ya Amedî.
Yeno pawitene ke çarçeweya operasyonî destbedkerdişî bizêdîyê. AMED
