Taxa Nazim Hîkmetî ya qezaya Kayapinarî ya Amedî de ame waştene ke mabênê sîteyanê Altinşehîr û Oncusarayî de warê keskî de îstasyonê bazî bêro ronayene. Vizêr makînayanê karî yê şîrketêke xîret kerd ke erd bikenê la şarî vera ci nêrazîbîyayîşê xo mojna.
Nêrazîbîyayîşê şarî dima vurîya nîqaşan û xeylêk roniştoxanê sîteyan makînayê karî asteng kerdî. Makînayî neçare mendî ke war biteriknê.
Roniştoxanê sîteyan erdo kinite reyna dekerd. Roniştoxan ra Besîme Babayîgît vat: ”Verî zî ma nêverda îstasyonê bazî ronîyo. Îstasyonê bazî gereka warê cuye ra dûrî bibê. Ma do nêverdê ke tîya de îstasyon bêro ronayene.”
Roniştoxan ard ziwan ke ê do şorê Qeymeqamîya Kayapinarî û seba betalkerdişê ronayîşê îstasyonî waştişname bidê. AMED
