Rêxistina HDPyî ya Amedî waşt ke verê statuyê Heqanê Merdiman ê Parka Koşuyolu de derheqê tecrîdê vera Rayberê Şarê Kurdî Abdullah Ocalanî û grevê vêşanîye yê tepişteyan de eşkerayîyêke bida.
Îdarekaranê HDP, Partîya Herêmê Demokratîkî (DBP), Komeleya 78an û xeylê hemwelatîyan paştî daye eşkerayîye. La polîsanê tirkan parke girewte binê ablûqa. Polîsan bi bahaneya ke eşkerayîye de çekuyê tecrîd û grevê vêşanîye estê destûr nêda ci.
Qirseyî pê çepikan vera polîsan nêrazîbîyayîşê xo mojna û dest pê çalakîya roniştişî kerd. Çalakîye ra dima girse parke ra şi. AMED
