Amed de wesayîtê çopî yê Şaredarîya Amedî wexto ke rayîr ra şîyêne qelibîya û kesêk merd, kesêk zî birîndar bi
Amed de wesayîtê çopî yê Şaredarîya Amedî wexto ke rayîrê Amed-Mêrdînî de şîyêne qelibîya. Qeza vizêr şan ame meydan û ramitoxê wesayîtî Ramazan O. û Macît A. birîndar bîyî. Hemwelatîyanê ke pê qezayî hesîyayî xebere daye ambulansî. Birîndarî pê ambulansî ameyî berdene bi nêweşxaneyî. Ramitox Ramazan O. nêweşxane de wefat kerd. Mecît A. yo ke bi hawayêkê giranî birîndar o weşkerdişê ci hema zî dewam keno. AMED
