Ame de protestoyê vera xespkerdişê şaredarîyanê Bajaranê Girdan yê Amed, Wan û Mêrdînî dewam kenê. Polîsan hêrişê şarî kerd xeylî kesan tepiştî
Badê eşkerayîya Partîya Demokratîke ya Şaran (HDP) ya Amedî kîtleyî dest bi rayraşîyayîşî kerd. Polîs hêrişê şarî kerd, tewr tay 15 kesî tepiştî û 2 rojnamegerî zî derb kerdî.
Rayraşîyayîşo ke ver bi Meydanê Dagkapiyî yeno viraştene partlamenterê HDPyî û hemşaredarî zî tede ca gênê. Grûbe bi sloganan şarê Amedî ra waşt ke wa wayîrê îradeyê xo bivejîyê û mesajê xoverdayîşî dayî. Esnafan zî paştî daye çalakgeran. Polîsan bi TOMAyan hêriş kerd. Goreyê zanayîşan kuçeyê Lîse de 5 û Ofîs de 10 kesî ameyî tepiştene. Rojnamegerî Hayatî Yildiz û Berîtan Cansozere ke çalakîye teqîpkerdêne zî hetê polîsan ra ameyî derbkerdene. AMED
