Vîrusê Korona (Covid-19) ke bajarê Wuhanî yê Çînî de vejîya raşte hema hema vilayê pêroyê dinya bî û dinya vera vîrusî de têkoşîn dana. Wezîrîya Karê Zerre ya Tirkîya seba tedbîranê vera vîrusî 30 bajaranê girdan û Trabzonî de seba 2 rojan qedexeyê tebervejîyayîşê kuçeyan îlan kerde. Seke heme bajaranê qedexekerdeyan de virazîya Amed zî badê îlankerdişê qedexeyî herikîya kuçeyan û şar firin, market û dikanan dekerd. Goreyê zanistan na rewşe do tesîrêko negatîf viraza û rojanê verênan de beno ke hûmara kesê ke bi vîrus kewtî zêde biba. Sewbîna tebervejîyayîşê kuçeyan pêroyê Amedî vend kerd û raşte û kuçeyê tewr qelebalix yê bajarî heywanan rê mendî. Vîşêrê xebatkarê şaredarîye û polîsî kesêk daxî teber de çin o. AMED
