Wezîrê Karên Derve ya Amerîkayê Mike Pompeo bi rêya medyaya civakî ragihand ku Amerîka persolên xwe yên dîplomatîk ji Venezûelayê vekişandiye
Amerîka bi hinceta kûrbûna krîza li Venezûelayê personelên xwe yên dîplomatîk ên li sefaretxaneya bilind a Caracasê kişand.
Wezîrê Karên Derve Mike Pompeo bi rêya twîtterê daxuyaniyek da û wiha got: “Biryar nîşan dide ku rewşa li Venezûelayê nebaş bûye, her wiha nîşan dide ku hebûna personelên dîplomatîk ên li sefaretxaneya bilind a Amerîkayê ji bo polîtîkaya Amerîkayê veguheriye pirsgirêkekê.”
Serokdewletê Venezûelayê Nicolas Maduro 23’yê Çileyê biryar dabû ku têkiliyên xwe yên dîplomatîk ên bi Amerîkayê re bibire û xwestibû dîplomat hemû ji welêt derkevin. Piştî ku DYE’yê mûxalîfê rastgir Juan Guaido weke serokdewletê demkî qebûl kir, ev biryar hatibû wergirtin.
