Fermandariya Navendî ya DYA’yê (Centcom) bi rêya hesabê xwe yê “X” ragihand ku hêzên Amerîkayê li Yemenê êrîşeke hewayî li devereke radarê ya Hûsiyan pêk aniye.
Centcomê diyar kir ku êrîş ji aliyê keştiya USS Carney ve bi mûşekên “Tomahawk” hatiye kirin. Televîzyona Masîra ya girêdayî Hûsiyan jî ragihand ku DYA û Brîtanyayê paytexta Yemen Senayê bombebaran kirin.
Balafir û keştiyên şer ên DYA û Brîtanyayê barbanga duh li seranserî Yemenê gelek hedefên Hûsiyan bombebaran kirin. Artêşa DYA’yê ragihand ku li 28 cihan 60 hedef bombebaran kirine. Wezareta Parastinê ya DYA’yê ragihand ku êrîşa DYA- Brîtanya kapasîteya Hûsiyan a pêkanîna êrîşên nû kêm kir.
Hûsiyan duh da zanîn ku 5 çekdarên wê jiyana xwe ji dest da û soza domandina êrîşan da.
