Cinîya kurde ya Rojhelatî Mahsa Amînî waşt ke şêra zîyaretê keyeyê xo yo ke Tehranî de cuyeno. La seba ke qismêk porê aye ameyêne dîyîş hetê polîsanê exlaqî ra ameye destbendkerdiş û derbkerdiş. Amînî derbanê ke werd vera wedarîyabî nêweşxane la roja dermankerdişî ya 3. de dinyaya xo bedelnaye. Badê qetilkerdişê Amînî cinîyê îranijî vejîyayî raşteyan. Şermezarkerdişê raşteyan ke dewam keno de siloganê ‘Wa bimiro şerîat, Wa Humeynî bimiro’ Wa zalimi bimirî’ û ‘Wa dîktator bimiro’ yenê berzkerdiş. Polîsî pê gazê îsotî û fîşekanê plastîkan hêrişê girse kenî.
Cenazeya Amînî ke ardî bajarê Seqiza yê Rojhelatê Kurdistanî bi siloganê ‘Cinî, Cuye, Azadîye’ ameye definkerdişe. Cenazeya Amînî hetê girseyêko girdi ra ameye vervazîkerdiş. Girseyo ke kom bî wextê definkerdişê cenazeye de siloganan berz kerd û waşt ke berpirsîyarê cînayetî bêrî eşkerakerdiş.
Polîsî hêrişê girseyo ke tewrê merasîmî bî kerd û waşt kesê ke tewrê merasîmî bîyî zî goristanî ra bivejî. Polîsî pê gazê îsotî û fîşekanê plastîkan hêrişê girseyo ke ver bi awanîya hukmatî ra rayîr şî, kerd. Ame zanayene ke hêrişan de xeylê kesî birîndar bîyî.
Rêxistina Efukerdişî ya Mîyanneteweyî ke qetilkerdişê Amînî şermizar kerd û veng daye ke wa şertê ke mergî rê rayîr akenê û kiştişê şikinî bêrî cigêrayîşkerdiş.
Demê peyênan de zextê hukmatê Îranî û dezgehanê exlaqî bi babeta qanûnê laçikan zêdîyayî. Vera nê zextan cinîyî çalakîyanê şermizarkerdişî virazenê. Badê qetilkerdişê Amînî çalakîyê online destpê kerdî. Heta nika mîyanê Îran û teberî ra 300 hezar twîtî ameyî eştiş û qetilkerdişç Amînî ameye şermizarkerdiş.
Dîmenê merasîmê definkerdişî Ajansê Mezopotamya (MA) de weşanîya. ANQARA
