Endamê Konseya Rayberdişî ya KCKyî Xebat Andokî bi wesîleya serrgêra ronîyayîşê PKKyî ANFyî rê qisey kerd.
Qiseykerdişê Andokî ra tay qismê girîngî wina yê:
“Ez verî pêro şehîdanê ma yad kena. Bingeyê PKKyî de raştîya şehîdan est a. Bingeyê na raştîye û pêro destkewteyanê ma zî hetê raştîya Rayber Apoyî ra ameyî afernayene. Çunke Rayber Apo sey fedayîyêke vejîya sehne ser. Raştîya şehîdan û Rayberîye yewbînî weye kerdî. Her şehadet bi sebebê averşîyayîşê partîya ma. Pêro destkewte û erjê ma xêrê şehîdan ra yê. Şarê ma î tim perwerê şehîdan bi.
Şarê kurdî ewro binê tehlukeyanê pîlan de yo. Şerê Dinya yo 3. Kurdîstan û Rojhelatê Mîyanênî de yeno kerdene. Dewleta tirke wazena nê şerî de pêro kurdan qir bikera û seba ney zî wazena verî PKKyî û gerîlayan tasfîye bikera. Dewleta tirke coka des eşto çekanê kîmyewîyan, bombayanê nukleran û pêro metodanê gemarinan. Nê şerî de gerîlayî hêzê xo raştîya şehîdan ra gênê û derbanê giranan danê dişmenî ro. Bêguman nê şerî de mesuldarîyê pîlî kewenê milê hêzanê demokrasî û azadîye zî. Ma pê bawer ê ke cinî, ciwanî, şarê ma, hêzê têkoşerî û demokrasî erk û mesuldarîya xo bikerê. Ma reyna serrgêra ronîyayîşê partîya xo fîraz kenê.” BEHDÎNAN
