Endamê Konseya Rayberdişî yê KCKyî Xebat Andokî Ajansê Nuçe Ciwanî rê rojdem ercna û venga ciwanan da. Qiseykerdişê Andokî ra beşêk wina yo:
“Dişmen sey tim dişmenîye keno û yeno ma ser. Ma zî sey şarê kurdî wazenê estbîyayîşê xo bipawê. Pirik û pîrkalanê ma zî polîtîkaya qirkerdişî yê vera kurdan qebûl nêkerdî û vera ci bi metdodanê cîya cîyayan têkoşîn kerd. La ma roja xo de vînenê ke ma hema ser nêkewtî. Ma ganî ewro se bikerê? Têna sûcdarkerdişê dişmenî û pîrîkanê xo ra lomekerdişî nêbeno. Pîlanê ma meseleya kurdan çareser nêkerd û ma rê verdayê la ganî ma peyde meerzê. Ganî şarê kurdî bitaybetî zî ciwanê kurdan na mesele ser o vinderê.
Rayberîya ma gama ke destê eşt na mesele hema ciwan bi. Halê şarê xo dî, na rewşe ra şarmîya û kewt rayîrê azadîye. Xo rê dostî, embazî dîyî û dima ra yew şer rêxistin kerd ke no şar heta ewro têkoşîn keno. Rayberîye verî no testpît kerd: ‘Kurdo/a ke xo rê îxanet nêkerdo nêmendo/a.’ Raşta zî wina bi. Nameyê kurdan qedexeyo la kurd/e nêvano ez esta. Welatê ci ameyo îşxlakerdene la semedê welatê xo têkoşîn nêkeno. Raştê neheqîyo yeno la vengê xo nêvejo. Kurdî hinî xo ra vejîyaybî, xo sey tirkan dîyênî. Bi qala kilmê kurdê ke wayîrê ercanê xo nêvejîyayêne senî ke kurdîtîye û merdimîye rê îxanet bikerî. Rayberîye seba ke xo û şarê xo na rewşe ra bixelisno kewt rayîrê azadîye û dewaya Kurdistanî, dewaya merdimîye rayra berde. Coka erey bi zî na dewa heta ewroyî ameye.
Ganî ciwanî ewro zî wina têbigêrê. Eke ciwanî ewro wezîfeyê xo mîyarê ca do siba ê zî bibê sey pîlanê xo. Ciwanê kurdan herinda sûcdarkerdişê pîlanê xo de û sûcdarkerdişê dewlete û îqtîdarî de ganî semedê bedilnayîşê qederê şarê xo têkoşîn bikerê. Pîlê ma nêeşkayî ser bikewê la ciwanê roja ma eşkenê ser bikewê. Coka ewro berpirsîyarîya tarîxî ya ciwanan est a. Ciwanî ganî wayîrê wezîfeyê xo yê tarîxî vejîyê. Ciwanê ke wazenê îşxalkeran, polîtîkaya qirkerdişî ra, na dewleta faşsîtî ra qesas bigêrê ganî verê xo bidê Têgêrayîşê Azadîye.
Têna Têgêrayîşê Azadîye eşkeno qesas bîgêro û hesab biperso. Yewna çare çîn o.Têgêrayîşê Azadîye hetê ciwanan ra ame ronayene û bi ruhê ciwanan heta ewro ame. Têbêrayîşê Azdîye têgêrayîşê ciwanîyê yê Partîya ma PKKyî yo. Hem bi xo ciwan o hem zî ruhê ci ciwan o. Ronayoxê ci zî ciwan ê, êyê ke nika tede têkoşîn kenê zî ciwan ê. Coka cayê ciwanan Têgêrayîşê Azadîye yo. Na çarçewe de kesê ke wazenê vera neheqîye û bêadeletîye têkoşîn bikerê, wazenê azad biciwîyê, hêzanê îqtîdarî yê îşxalkeran ra qesas bigêrê, meseleya kurdan çareser bikerê, qican û şarê kurdî rê ameyoxê azadî dîyarî bikerê wa verê xo bidê Têgêrayîşê Azadîye û tewrê sefanê gerîlayan bibê.
Şima vînenî Gerîlayê Azadîye yê Kurdistanî roja ma de semedê estbîyayîşê kurdan, semedê serekwtişê dewaya kurdan senî têkoşîn kenê. Na çarçewe de têkoşîno ke Zap, Avaşîn, Metîna, Heftanîn, Xakurkê û her cayê Vakurê Kurdistanî de yeno dayene bingeyê ronayîşê Kurdistanî. Ameyox pê destê nê gerîlayanê ciwanan yeno mundene. Kam se vano wa vajo, ewro gerîlayî temînatê kurdan û Kurdistanî yê. Eke gerîlatîye çînê bo estbîyayîş kurdan û Kurdistanî mumkun nîyo. Gerîlayî semedê kurdan û Kurdistanî wina muhîm ê. Êyê ke vera gerîlayan qisey kenê wa ê zî bizanê ke ê zî xeyrê têkoşînê gerîlayan eşkenê qisey bikerê. Wa çew xo mexapîno kurdî xeyrê têkoşînê gerîlayan eşkenê wayîrê ercanê xo vejîyê û vajê ma kurd ê, ma est ê. Gerîlatîye semedê kurdan û Kurdistanî hende muhîm a. Kam ke wazeno vera neheqîye, zulmî û îşxalî vejîyo û îşxalkeran ra qesas bîgêro wa verê xo bidê sefanê azadan ê gerîlayan. Semedê estbîyayîşî, semedê xobîyayîşî Werin Cenga Azadiyê!” BEHDÎNAN
