Taxa Ornekî ya qezaya Altindagî ya Anqara de vizêr şan cenazayê 5 afganan ameyî dîyene ke goreyê tesbîtan çar rojî verî ameyê qetilkerdene. Îxbarê merdimanê afganan ser o cayê serebûtî de cigêrayîş ame kerdene, dekewtiş û vejîyayîşê taxe ameyî qefilnayene.
Walîtîya Anqara îdîa kerd bi ke panc multecîyê afganî pê hacetanê tûjan merdê la roniştoxanê taxe eşkera kerd ke multecîyî bi hawayêkê barbarî ameyê qetilkerdene. Roniştoxanê taxe pare kerd ke sereyê panc multecîyan ameyê birnayene.
Dîya zanayene ke 4 multecîyanê ke ameyî qetilkerdene seba agêrayîşê Afganistanî muracat kerdbi. ANQARA
