Mekezê Xeberan]
Arjantîn de çalakîyê cinîyan netîce girewt. Serekdewletê Arjantînî Alberto Fermandez netîceyê çalakîyanê cinîyan de dîyar kerd ke seba kurtajî ke seserrî verê ameybî qedexekerdene do pêşnumeyêk pêşkeş bikero. Fermandez da zanayene ke kurtaj 100 serrî verê welatê ci de ameyo qedexekerdene, labelê reyna zî cinî cuya xo kenî tehluke û wina va: “Ez do mîyanê 10 rojanê vernîya ma de derheqê seba ke diganebîyayîş bibo qanûn û xizmet bikero, pêşnumeyêk pêşkeş bikera.”
Arjantîn de çalakîyê derheqê babete dewam kenî. Serra 2018î de seba 14 hewteyê diganebîyayîşî de kurtaj bêro kerdene, pêşnumeyêk ameybî amadekerdene, labelê no pêşnume ameybî redkerdene. Arjantîn de tena wexto ke tecawiz û problemê weşî yê dayî ke benî, destûr dîyeno kurtajî.
