Keyeyê Armanc Cemre (Fatoşe Zugurlî) dewa Fîsî ya Licê ra bi ke na dewe de PKK ronîyabi. Keyeyê Fatoşe tedaya dewlete ra koçê Duzce kerdbi. Fatoşe Duzce de dadîya xo ra bîya la qetî kokê xo yê kurdayetîye ra dûrî pîl nêbîya.
Fatoşe 2015 de tewra xebatanê Komalanê Ciwanan bîye û dima zî tewra Xoverdayîşê Xoîdarekerdişî ya Nisêbînî bîye. Serrêke û nêm ra dima zî a tewra gerîlayan bîye û hînî nameyê ci bi Armance Cemre.
‘Şima nêeşkenê embazîyêka winayêne cayêkê bînî de bivînê’
Gerîla Armance şehadetê xo ra verî roportajêkê xo de derheqê embazîya PKKyî de qisey kerdbi û vatbi: ”Embazîya mîyanê PKKyî seke siro global o. Şima nêeşkenê embazîyêka winayêne cayêkê bînî de bivînê. No heskerdişêko winayên o ke oxirê ci de şima eşkenê vera dinya wurzê we.”
‘Têkoşîno ke embazê ma kenê seba cuya azade yo’
Gerîla Armance Akademîya Leyla Şaylemez de perwerde dî, mîyanê Hêzanê Taybetan de cagirewt û tim rêçê Çîçek, Zîlan, Sara, Delal û Têkoşînan de şîye. Aye wina qala nê xoverdayîşê tunelanê şerî kerdbî: ”Têkoşîno ke embazê ma kenê seba cuya azade yo.”
Armance tunelanê şerî de nêbîye la ruhê ci hetê embazanê aye de bi. Gerîla Armance 17ê temmuza 2022yî de Herêmanê Pawitişî yê Medya de hêrişanê dewleta tirke ya îşxalkere de şehîd bîye. BEHDÎNAN
