Welatiyên sivîl ên ku dixwestin derbasî Serêkaniyê bibin û birîndaran ji nexweşxaneyê derxînin, hatin astengkirin. Welatiyan daxuyanî dan û gotin ku armanca wan rizgarkirina birîndaran e
Karwanê sivîlan ê ku ji şêniyên herêma Cizîrê û ji tîmên tenduristiyê û gelek rojnamegerên herêmî û navdewletî pêk dihat, li 2 km’yan nêzî Serêkaniyê hatin sekinandin. Welatiyan li vir daxuyaniyek da.
Di daxuyaniyê de hat destnîşankirin ku armanca wan a çûyîna Serêkaniyê ji bo vekirina rêyeke mirovî ye da ku birîndaran ji nexweşxaneya bajarê Serêkaniyê derxînin. Her wiha hat destnîşankirin ku ji ber dagirkerên tirk û çeteyên wê nehiştin tîmên tenduristiyê xwe bigihînin nexweşxaneyê, 2 birîndaran jiyana xwe ji dest dan. Hat diyarkirin ku jiyana gelek kesan di xetereyê de ye.
Hêjayî bibîrxistinê ye ku ji bo karwan derbasî hundirê bajar nebe, hêzên dagirker konvoya sivîlan tobaran kir. SERÊKANIYÊ
